ശരിക്കും എന്താ ഈ പഞ്ചാരയടി? ആണും പെണ്ണും  പ്രത്യേകിച്ച് കാര്യമൊന്നും ഇല്ലാതെ പരസ്പരം ലോകകാര്യങ്ങൾ സംസാരിച്ചാൽ അതു പഞ്ചാരയടിയാവുമോ? ഇതേ കാര്യം ആണുങ്ങൾ തമ്മിൽ സംസാരിച്ചാൽ അപ്പോൾ അതിനെ എന്തു പറയും? പഞ്ചാരയടിക്ക് എന്തെങ്കിലും ഉദ്ദേശ്യങ്ങളുണ്ടോ? സാധാരണ അണുങ്ങൾക്ക് ഒരു പെണ്ണ് അടുത്തിരുന്ന് സംസാരിക്കാനുള്ളത് ഒരു രസമുള്ള കാര്യമാണ്… മണിക്കൂറുകളോളം സംസാരിക്കാൻ സബ്‌ജക്റ്റിനും ക്ഷാമം കാണില്ല – ഇതും പഞ്ചാരയടിയുടെ കീഴിൽ വരുമോ? എന്തൊക്കെ സംശയങ്ങളാണു ദൈവമേ!!

നെറ്റിൽ തപ്പിയപ്പോൾ പഞ്ചാരയടി ഒരു കുറ്റകൃത്യമാണെന്നു കണ്ടു. ഫോണിലൂടെ ‘പഞ്ചാരയടി’ക്കാന്‍ ശ്രമിച്ച പൊലീസുകാരന് സസ്പെന്‍ഷന്‍ വരെ കിട്ടിയിട്ടുണ്ട്.

ഒരുത്തരം തന്ന് സഹായിക്കുക. നിർവചനം അറിയാനാഗ്രഹിക്കുന്ന ഒത്തിരിപ്പേർക്കിതൊരു അനുഗ്രഹമാവും എന്നു കരുതുന്നു. ഇനി പഞ്ചാര അടി തുടങ്ങാനാഗ്രഹിക്കുന്ന ചെറുബാല്യങ്ങൾക്ക് കാര്യങ്ങൾ അറിഞ്ഞുതന്നെ തുടങ്ങാനിതൊരു അവസരവും ആവട്ടെ…

ഇനിയൊരു പഞ്ചാരപ്പാട്ടാവട്ടെ!!
കുഞ്ചിയമ്മക്കഞ്ചു മക്കളാണേ…
അഞ്ചാമന്‍ ഓമനക്കുഞ്ചുവാണേ…
പഞ്ചാര വിറ്റു നടന്നു കുഞ്ചു…
പഞ്ചാരക്കുഞ്ചുന്ന് പേരും വന്നു…

വഞ്ചിയില്‍ പഞ്ചാര ചാക്കു വെച്ചു
തുഞ്ചതിരുന്നു തുഴഞ്ഞു കുഞ്ചു…
പഞ്ചാര വിറ്റു നടന്നു കുഞ്ചു…
പഞ്ചാരക്കുഞ്ചുന്ന് പേരും വന്നു

പഞ്ചാര തിന്നു മടുത്തു കുഞ്ചു…
ഇഞ്ചി കടിച്ചു രസിച്ചു കുഞ്ചു…
കുഞ്ചിയമ്മക്കഞ്ചു മക്കളാണേ…
അഞ്ചാമന്‍ ഓമനക്കുഞ്ചുവാണേ..
.

അണ്ണാ ഹസാരെ ബ്ലോഗ് തുടങ്ങി! തന്റെ ആശയങ്ങളെ കൂടുതൽ ആളുകളിലേക്കെത്തിക്കാൻ ഒരു മാധ്യമം എന്ന നിലയിൽ അണ്ണൻ വേർഡ് പ്രസ്സിൽ annahazaresays എന്ന പേരിൽ ബ്ലോഗ് തുടങ്ങി. ബ്ലോഗിലേക്ക് പോകാൻ ഇവിടെ ക്ലിക്ക് ചെയ്യുക.

അണ്ണൻ നടത്തുന്ന രണ്ടാം സ്വാതന്ത്ര്യസമരത്തിൽ പങ്കെടുക്കാനും,ആണ്ണനെ സപ്പോർട്ട് ചെയ്യാനും ഈ സൈറ്റിലൂടെ അണ്ണൻ ആഹ്വാനം ചെയ്യുന്നു. നിങ്ങൾക്കും ആ സൈറ്റിന്റെ വരിക്കാരാവാം. ഇംഗ്ലീഷ്, ഹിന്ദി, മറാത്തി ഭാഷകളിൽ ബ്ലോഗ് വായിക്കാനാവും.

ഭീകരപ്രവര്‍ത്തനത്തെയും മറ്റും നേരിടാനെന്ന ന്യായത്തില്‍ ഇന്ത്യന്‍ സൈന്യത്തിനു നൽകിയിരിക്കുന്ന ആംഡ് ഫോഴ്‌സസ് സ്‌പെഷ്യല്‍ പവേഴ്‌സ് ആക്ട് പിൻവലിക്കണം എന്ന ആവശ്യവുമായി ഇറോം ശര്‍മിള നടത്തുന്ന നിരാഹരസമരം പതിനൊന്നാം വർഷത്തിലേക്ക് കടന്നിരിക്കുന്നു. ഇന്ത്യൻ സൈനികർ അതിർത്തിപ്രദേശങ്ങളിൽ കാട്ടിക്കൂട്ടുന്ന പരാക്രമങ്ങൾ പലപ്പോഴും പുറത്തുവരാറുണ്ട്, സിക്കിമിൽ പ്രായപൂർത്തി പോലും ആകാത്ത കുഞ്ഞിനെ സ്ഥിരമായി തന്റെ കാമവെറിക്ക് ഉപയോഗിക്കുന്ന സഹപ്രവർത്തനെ പറ്റി പണ്ടൊരു സുഹൃത്ത് പറഞ്ഞതോർക്കുന്നു. പട്ടാളക്കാര്‍ സ്ത്രീകളെ ബലാത്സംഗം ചെയ്ത വാര്‍ത്തകള്‍ നിരവധിയാണ്, ചോദിക്കാൻ ചെല്ലുന്നവരെ നിഷ്‌കരുണം വെടിവെച്ചുകൊല്ലാൻ അവർ നിയമത്തെ കൂട്ടുപിടിക്കുന്നു. നിയമപാലകർ നിയമത്തെ വ്യഭിചരിക്കുന്ന വാർത്ത പരസ്യമായ രഹസ്യമാണ്.

 തുടർന്നു വയിക്കുക >>

അരുൺ നെടുമങ്ങാടിന്റെ ബസ്സിലേക്ക്…

ബസിന്റെ പ്രയോജനങ്ങളേ..
ഒരു പെണ്ണ് കെട്ടാൻ താല്പര്യമുണ്ട്. കെട്ടി പരിചയമുള്ളവർ ചില സംശയങ്ങൾ തീർത്ത് തരുമല്ലോ…
1. എങ്ങനെയുള്ള പെണ്ണാണ് നല്ലത്?
2. നല്ല സ്വഭാവമാണോ എന്ന് എങ്ങനെ തിരിച്ചറിയും.
3. സ്ത്രീധനം വാങ്ങാമോ?
4. ജോലിയുള്ള പെണ്ണിനെ നോക്കണോ? ജോലി കിട്ടാനുള്ള വിദ്യാഭ്യാസമുള്ള പെണ്ണിനെ കെട്ടണോ? അതോ വിദ്യാഭ്യാസമില്ലാത്ത ആളേ നോക്കണോ?
5 വിവാഹ ആലോചനയ്ക്ക് പത്രപരസ്യമാണോ നല്ലത്? ബ്രോക്കറാണോ അതോ ബ്യൂറോയാണോ ഏതാണ് മെച്ചം?
6. കല്യാണം കഴിക്കാതിരിക്കുന്നതും കഴിച്ചു കഴിഞ്ഞുമുള്ള ജീവിതത്തിലെ വ്യത്യാസങ്ങൾ എന്ത്?
7. പെണ്ണ് കാണാൻ പോകുമ്പോൾ ശ്രദ്ദിക്കേണ്ട കാര്യങ്ങൾ ഏതൊക്കെ( പണ്ട് മനോരമ പറഞ്ഞതിൽ കൂടുതൽ എന്തെങ്കിലും…)
8. എന്താണ് കല്യാണം? അതിന്റെ മെച്ചം….

( ഉവ്വ ബാക്കി ചോദ്യം പുറകെയും മുമ്പെയും ഒക്കെ വരും..)

ഞാനിപ്പോൾ എന്തെങ്കിലും പറഞ്ഞാൽ അത് അബദ്ധമായിപ്പോകും 🙁
എന്നാലും പറയാതിരിക്കുന്നതെങ്ങനെ!!

1. എങ്ങനെയുള്ള പെണ്ണാണ് നല്ലത്?
A) കെട്ടുമ്പോൾ പെണ്ണിനെ തന്നെ കെട്ടണം… കാണുമ്പോൾ പെണ്ണാണെന്നു തോന്നണം. ഇപ്പോൾ കുറേ കോലങ്ങൾ ഇറങ്ങിനടക്കുന്നത് കാണാറുണ്ട്; വേഷഭൂഷാദികൾ ചിന്തകളുടെ കൂടി പ്രതിഫലനമാവാം 😉

2) നല്ല സ്വഭാവമാണോ എന്ന് എങ്ങനെ തിരിച്ചറിയും.
A) ഒരു രക്ഷയുമില്ല മോനേ!! സത്യൻ അന്തിക്കാടീന്റെ പാട്ടില്ലേ,
ഒരു നിമിഷം തരൂ നിന്നിലലിയാൻ; ഒരു യുഗം തരൂ നിന്നെയറിയാൻ എന്ന്!! യുഗങ്ങൾ തന്നെ കിട്ടിയാലും ചിലപ്പോൾ ഈ പണ്ടാരങ്ങളുടെ ഉള്ളറിയാൻ പറ്റീന്ന് വരില്ല.
 
3) സ്ത്രീധനം വാങ്ങാമോ?
A) സ്ത്രീധനം വാങ്ങുന്നതിനോട് ഞാൻ എതിരാണ്. അതിനെ എങ്ങനെയൊക്കെ ന്യായീകരിക്കാൻ വന്നാലും ഞാൻ എതിരുതന്നെ… 🙁
4) ജോലിയുള്ള പെണ്ണിനെ നോക്കണോ? ജോലി കിട്ടാനുള്ള വിദ്യാഭ്യാസമുള്ള പെണ്ണിനെ കെട്ടണോ? അതോ വിദ്യാഭ്യാസമില്ലാത്ത ആളേ നോക്കണോ?
A) ജോലിയുള്ളതിനെ കിട്ടിയാൽ കൊള്ളാം; കിട്ടാൻ സാധ്യതയുള്ളതായാലും കൊള്ളാം… അല്ലാതെ അവളുടെ വീട്ടുകാരുടെ സ്വത്തും സമ്പാദ്യവും കണ്ട് കണ്ണ് മഞ്ഞളിച്ച് പോയി കെട്ടേണ്ടതില്ല.

 5) വിവാഹ ആലോചനയ്ക്ക് പത്രപരസ്യമാണോ നല്ലത്? ബ്രോക്കറാണോ അതോ ബ്യൂറോയാണോ ഏതാണ് മെച്ചം?
A) പാസ്!! കുറച്ചറിയാവുന്ന പെണ്ണായാൽ ബെസ്റ്റ്. അതിനെ വേണമെങ്കിൽ പ്രേമമെന്നോ ലൈനടി എന്നോ വിളിച്ചോ… ഒരു സുപ്രഭാതത്തിൽ പോയി കണ്ട് നാലുവാക്ക് സംസാരിച്ച് കെട്ടിയിട്ട് – പിന്നെ തീരെ അങ്ങോട്ട് അഡ്ജസ്റ്റ് ചെയ്യാൻ പറ്റാതെ വന്നെങ്കിലോ… കുറച്ചുനാൾ മനസ്സു തുറന്ന് ഒന്നു സംസാരിക്കണം…

6) കല്യാണം കഴിക്കാതിരിക്കുന്നതും കഴിച്ചു കഴിഞ്ഞുമുള്ള ജീവിതത്തിലെ വ്യത്യാസങ്ങൾ എന്ത്?
A) പരിമിതമായ അറിവ് വെച്ച് :- കല്യാണം കഴിക്കാതിരിക്കുമ്പോൾ തോന്നും, ഹോ! അതാണു(വിവാഹജീവിതം) സ്വർഗം എന്ന്… എല്ലാം പങ്കുവെയ്‌ക്കാനും പാട്ടുപാടാനും കൂടെയൊരു പെണ്ണ്!! അവിടെ പെണ്ണിന്റെ മെയ്‌ക്കപ്പ് ഇട്ടമുഖം മാത്രമേ നമ്മൾ കാണൂ…
കഴിച്ചു കഴിഞ്ഞാൽ തോന്നും, ഇത്ര നേരത്തേ വേണ്ടായിരുന്നു; ബാച്ചിലർ ലൈഫ് തന്നെ നല്ലത്… രാവിലെ എണീക്കുമ്പോൾ ഉറക്കച്ചടവോടെ മുഖമൊക്കെ വീങ്ങിത്തുടുത്ത്, കണ്ണൊക്കെ വീർത്ത്, മുടിയൊക്കെ പറന്ന് ആ ഭീകരദൃശ്യം കാണുമ്പോൾ സകല സംഗതികളും അസ്തമിച്ചേക്കാം… 😉

7) പെണ്ണ് കാണാൻ പോകുമ്പോൾ ശ്രദ്ദിക്കേണ്ട കാര്യങ്ങൾ ഏതൊക്കെ?
A) അതൊരു ചടങ്ങായി മാത്രം കണ്ടാൽ മതി. കൂടെ ഉള്ളവർ കാര്യങ്ങൾ നടത്തിക്കോളും, പെണ്ണിനോട് സംസാരിക്കാനുള്ള ഒരു രഹസ്യ അറ പലയിടത്തും ഒരുക്കിവെച്ചിരിക്കും. അവിടെ എന്തെങ്കിലും നാലു സുഖവിവരം ചോദിച്ചാൽ മതി.
 
8) എന്താണ് കല്യാണം? അതിന്റെ മെച്ചം….
8) കാര്യമൊന്നും ഇല്ല; ചുമ്മാ ഒരു വിശ്വാസം , അതല്ലേ എല്ലാം… കല്യണം കഴിച്ചില്ലെങ്കിലും മക്കളാവും.

ബാക്കി അറിവുള്ളവർ പറയട്ടെ!!

ചില മലയാള ചിത്രങ്ങളും അവയുടെ മുന്‍ ആധാരങ്ങളും…

1 ചന്ദ്രലേഖ (1997)- You were sleeping(1995)

2 ബൂയിംഗ് ബൂയിംഗ് (1985)- Boeing Boeing(1965)

3 വെട്ടം (2004)- French Kiss(1995)

4 താളവട്ടം (1986)-One flew over the cockoo’s nest(1975)

5 കാക്കക്കുയില്‍ (2001)- A fish called wanda(1988)

6 വെള്ളാനകളുടെ നാട് (1988)- Yours; Mine and Ours(1968)

7 ഉദയനാണ് താരം(2005)-Bowfinger(1999)

8 ബിഗ്‌ ബി (2007) Four Brothers (2005)

9 ഗോലുമാല്‍ (2009) Nine Queens (2000)

10 ഹെലോ മൈ ഡിയര്‍ റോങ്ങ്‌ നമ്പര്‍ (1986)-North by northwest(1959)

11 മാളൂട്ടി (1992)-Everybody’s baby: The rescue of Jessica Mc Clare(1989)

12 ഒരു മറവത്തൂര്‍ കനവ് (1998)- Jean De Florette(1986)

13 തൂവല്‍ സ്പര്‍ശം (1990)- 3 Men and a Baby(1987)

14 ആകാശദൂത് (1993)- Who will love my children(1983)

15 യോദ്ധാ (1992)-The Golden Child(1986) + Blind Fury(1989)

16 ഒളിമ്പ്യന്‍ അന്തോണി ആദം (1999)- Kindergarten Cop(1990)

17 അങ്കിള്‍ ബണ്‍ ( 1991)- Uncle Buck(1989)

18 രാംജി റാവു സ്പീക്കിംഗ് (1989)- See the man run(1971)

19 മാന്നാര്‍ മത്തായി സ്പീക്കിംഗ് (1995)- Vertigo(1958)

20 ആയുഷ്കാലം (1992)- Ghost(1990)

21 പ്രാഞ്ചിയേട്ടന്‍ (2010)- The World of Don Camillo(1984)

22 പട്ടാളം ( 2003)- Captain Corelli’s Mandolin(2001)

23 ജോണിവാക്കര്‍ (1992)- Back to School(1986)

24 കിലുക്കം (1991)- Roman Holiday(1953)

25 വന്ദനം( 1989)- Stake Out(1987)

26 എന്റെ മാമാട്ടിക്കുട്ടിയമ്മക്ക് (1983)- Annie(1982)

27 ഹലോ (2007)- Cellular(2004)

28 കാഴ്ച (2004)- Bashu, the little stranger(1990)

29 േഘമല്‍ഹാര്‍ (2001)- Brie Encounter(1945)

30 അന്‍വര്‍ (2010)- Traitor(2003)

31 നോട്ട്ബുക്ക്‌ ( 2006)- Susan slade(1961) and , Juno

32 ആനവാല്‍ മോതിരം (1990)- Short Time(1990)

33 അദ്ദേഹം എന്ന ഇദ്ദേഹം (1993)- Three Fugitives(1989)

34 മയൂഖം (2005)- A Walk to Remember(2002)

35 ലൈഫ് ഈസ്‌ ബ്യൂട്ടിഫുള്‍ (2000)- Dead Poets Society(1989)

36 മഞ്ഞുപോലൊരു പെണ്‍കുട്ടി 2004)-Crime and punishment in Suburbia(2000)

37 ഭാര്‍ഗവചരിതം മൂന്നാം ഗണ്ഡം(2006)-Analyze This(1999)

38 ജെയിംസ് ബോണ്ട് (1999)- Baby’s Day Out(1994)

39 അലക്സാണ്ടര്‍ ദി ഗ്രേറ്റ് (2010)- Rain Man(1988)

40 ചെപ്പ്‌ (1987)- To Sir, With Love(1967)

41 ഹൃദയത്തില്‍ സൂക്ഷിക്കാന്‍ (2005)-Meet the parents(2000)

42 പട്ടാഭിഷേകം (1999)-Larger than life(1996)

43 കൌതുക വാര്‍ത്തകള്‍ (1990)- Worth Winning(1989)

44 എഫ് ഐ ആര്‍ (1999)- The Untouchable(1987)

45 വിസ്മയത്തുമ്പത്ത്‌ (2004)- Just Like Heaven

46 അക്ഷരത്തെറ്റ്‌ (1989)- Fatal Attraction(1987)

47 ആഗസ്റ്റ്‌-1 (1988)- The day of the Jackal(1973)

48 നിന്നിഷ്ടം എന്നിഷ്ടം (1986)- City Of Lights(1931-a Charlie Chaplin Film)

49 ഓടരുതമ്മാവാ ആളറിയാം (1984)- Chashme Buddoor(1981)

50 പപ്പന്‍ പ്രിയപ്പെട്ട പപ്പന്‍ (1986)- Heaven can wait(1978)

51 T.D. ദാസന്‍,STD.VI. B (2010)- Mary and Max(2009)

52 ഫോര്‍ ഫ്രെണ്ട്സ് (2010)- The Bucket List(2007)

53 ജൂനിയര്‍ മാണ്ട്രെക്ക് (1997)- The Big Job(1965)

54 വിറ്റ്‌നസ് (2000)- Dial ‘M’ for murder(1954)

55 നിര്‍ണ്ണയം-The fugitive

56 ചാപ്പ കുരിശ്-Hand phone (korean)

57 മുല്ല- Tsotsi(South African 2005)

ഇതു സിനിമയിലെ ബെഞ്ച്മാർക്കിങ്. കോപ്പിയടിയെന്നു പറഞ്ഞ് കളിയാക്കരുത്…