![](https://lh4.googleusercontent.com/-8k9HB5B3V2c/TXSdSKx7XkI/AAAAAAAAIxI/Q96Q_CWQY-A/s320/lovers.jpg)
ബസ്സില്
അവള് : ചേട്ടാ ഈ ബസ്സ് അഗര ജംങ്ഷനില് പോകുമോ?
ഞാന് : ഇല്ലല്ലോ. അതിനു മുമ്പുള്ള ലഫ്റ്റിലൂടെ അകത്തോട്ടു പോകും.
അവള് : ചേട്ടനെവിടെയാ ഇറങ്ങേണ്ടത്?
ഞാന് : എച്ച് എസ് ആറില് ഇറങ്ങണം, ബലന്തൂരാണു പോകേണ്ടത്.
അവള് : എനിക്കു മാര്ത്തഹള്ളിക്കു പോകാനാ
ഞാന് : എന്റെ കൂടെ ഇറങ്ങിക്കോളൂ….
ബസ്സ് സ്റ്റോപ്പില്
അവള് : ചേട്ടനെവിടെയാ വര്ക്ക് ചെയ്യുന്നത്.
ഞാന് : അവിടെ അടുത്തു തന്നെയാണ് . <<കമ്പനിയുടെ പേരു പറഞ്ഞുകൊടുക്കുന്നു.>> നീയോ?
അവള് : <<കമ്പനിയുടെ പേരു പറയുന്നു.>> ഡവലപ്പ്മെന്റാണ്.
ഞാന് : 🙁 കമ്പനിയെക്കുറിച്ച് കേട്ടിട്ടില്ല. എന്താണു ഡൊമൈന്?
അവള് : പി എച്ച് പി, ഫ്ലക്സ്
ഞാന് : ഓക്കേ, നീ കാസര്ഗോഡു നിന്നാണോ കയറിയത്?
അവള് : അല്ല, കാഞ്ഞങ്ങാടു നിന്നു.. ഞാന് ചേട്ടനെ കണ്ടിരുന്നു. അവിടുന്നല്ലേ കയറിയത്… എന്റെ വീട് അവിടെ അടുത്തു തന്നെയാണ് – നിത്യാനന്ദസ്വാമീ ടെമ്പിളിന്റെ അടുത്തായിട്ട്…
ഞാന് : എന്താ പേര്?
അവള് : സൗമ്യ. ചേട്ടന്റെ പേരെന്താ?
ഞാന് : രാജേഷ്.
സൗമ്യ : ചേട്ടാ അവിടെ പി എച്ച് പി-യില് ഒഴിവു വല്ലതും ഉണ്ടാവുമോ?
ഞാന് : ഇടയ്ക്കുണ്ടാവാറുണ്ട്. എത്ര വര്ഷമായി ഇവിടെ വര്ക്ക് ചെയ്യുന്നു?
സൗമ്യ: ഒന്നര വര്ഷമായി – മഡിവാളയായിരുന്നു മുമ്പ് താമസ്സിച്ചത്. ഇപ്പോള് അങ്ങോട്ടു മാറിയിട്ട് കുറച്ചായി. രാവിലെ ബുദ്ധിമുട്ടുതന്നെ.
ഞാന് : ശരിയാ. രണ്ടു ബസ്സു കയറേണ്ടി വരുന്നു.
സൗമ്യ : ചേട്ടന്റെ മെയിലൈഡി തരുമോ?
ഞാന് : അതിനെന്താ.. << ഞാന് മെയില് ഐഡി കൊടുക്കുന്നു>>
സൗമ്യ മൊബൈലിലേക്ക് അതു ഫീഡ് ചെയ്യുന്നു.
ഞാന് : ബസ്സു വരുന്നുണ്ട്. പോകാം.
സൗമ്യ: വാ പോകാം
ഓഫീസില്
ചായ കുടിച്ചു വന്ന് ഗൂഗിള് ബസ്സു വായിച്ചുകൊണ്ടിരിക്കുമ്പോള് മൊബൈലില് ഒരു മെസേജു വന്നു. ഫെയ്സ്ബുക്ക് അലേര്ട്ട് :Soumya R has requested to add you as a friend on Facebook. You have 4 friends in common. Reply “add” to add, or “info” to get profile.
ചുണ്ടില് നിന്നും ചെറിയൊരു ചിരി പടര്ന്നു കയറി, ഫെയ്സ്ബുക്ക് ഓപ്പണ് ചെയ്യാനുള്ള ടൈം പോലും കൊടുക്കാതെ മറുപടി കൊടുത്തു : add
വീണ്ടും ഫെയ്സ്ബുക്ക് അലേര്ട്ട് :You are now friends with Soumya R. Reply “sub”to subscribe to Soumya’s Status.