![](http://3.bp.blogspot.com/--qlXpQOUiVM/TnXZZ_Nj8nI/AAAAAAAAJqE/_Z6nS4iQbT0/s320/%25E0%25B4%25B8%25E0%25B5%2582%25E0%25B4%25B0%25E0%25B5%258D%25E0%25B4%25AF%25E0%25B4%2595%25E0%25B4%25BE%25E0%25B4%25A8%25E0%25B5%258D%25E0%25B4%25A4%25E0%25B4%25BF-sooryakanthi-odayanchal.jpg)
ആ വിശുദ്ധമാം മുഗ്ദ്ധപുഷ്പ്പത്തെക്കണ്ടില്ലെങ്കിൽ!
ആവിധം പരസ്പരം സ്നേഹിയ്ക്കാതിരുന്നെങ്കിൽ!
————*————
പരനിന്ദ വീശുന്ന വാളിനാല് ചൂളിപ്പോകാ,
പരകോടിയില്ച്ചെന്ന പാവനദിവ്യസ്നേഹം.
————*————
ക്ഷുദ്രമാമിപ്പുഷ്പ്പത്തിന് പ്രേമത്തെഗ്ഗണിച്ചാലോ
ഭദ്രനാദ്ദേവന് നിന്ദനീയമായഗണ്യമായ്!
മാമകപ്രേമം നിത്യമൂകമായിരിക്കട്ടെ,
കോമളനവിടുന്നതൂഹിച്ചാലൂഹിയ്ക്കട്ടെ.
————*————
സ്നേഹത്തില് നിന്നില്ലല്ലോ മറ്റൊന്നും ലഭിച്ചീടാന്;
സ്നേഹത്തിന്ഫലം സ്നേഹം, ജ്ഞാനത്തിന് ഫലം ജ്ഞാനം.
സ്നേഹമേ പരം സൗഖ്യം, സ്നേഹഭംഗമേ ദുഖം,
സ്നേഹം മേ ദിക്കാലാതിവര്ത്തിയായ് ജ്വലിച്ചാവൂ!