December 18, 2007 - Rajesh Odayanchal

ചൂടാതെ പോയ് നീ, നിനക്കായി ഞാന്‍ ചോരചാറി ചുവപ്പിച്ചൊരെന്‍ പനിനീര്‍

ചൂടാതെ പോയ് നീ, നിനക്കായി ഞാന്‍
ചോരചാറി ചുവപ്പിച്ചൊരെന്‍ പനിനീര്‍ പൂവുകള്‍
കാണാതെ പോയ് നീ, നിനക്കായ് ഞാനെന്റെ
പ്രാണന്റെ പിന്നില്‍ കുറിച്ചിട്ട വാക്കുകള്‍
ഒന്നു തൊടാതെ പോയി വിരല്‍തുമ്പിനാല്‍
ഇന്നും നിനക്കായ് തുടിക്കുമെന്‍ തന്ത്രികള്‍

അന്ധമാം സംവത്സരങ്ങള്‍ക്കുമക്കരെ
അന്ധമെഴാത്തതാം ഓര്‍മ്മകള്‍ക്കക്കരെ
കുങ്കുമം തൊട്ടുവരുന്ന ശരത്കാല-
സന്ധ്യയാണെനിക്കു നീയോമലെ.

ദുഃഖമാണെങ്കിലും നിന്നെക്കുറിച്ചുള്ള
ദുഃഖം എന്താനആനന്ദമാണെനിക്കോമനെ
എന്നെന്നുമെന്‍ പാനപാത്രം നിറയ്‌ക്കട്ടെ
നിന്‍ അസാന്നിദ്ധ്യം പകരുന്ന വേദന…

poem / ബാലചന്ദ്രന്‍ ചുള്ളിക്കാട് poem / കവിത /

Leave a Reply